UNIVERSITET BOSHQARUVINI (REJALASHTIRISH,AMALGA OSHIRISH, MONITORING QILISH VA BAHOLASHNI) AXBOROT VA KOMMUNIKATSIYA TEXNOLOGIYALARI ORQALI AMALGA OSHIRILISHI.
Termiz davlat universitetida ta’lim va tadqiqot ishlarida vaqtni tejash qog’ozni tejash hamda talabalar va tadqiqotchilar uchun qulay va samarali shart-sharoit yaratish maqsadida axborot kommunikatsiya texnologiyalaridan foydalanish bo‘yicha bir qancha platforma va dasturlar ishga tushirilgan. Bugungi kunda Oliy taʼlimdan keyingi taʼlimni muvofiqlashtirishning yagona elektron tizimi orqali doktarantlar, mustaqil izlanuvchilar hujjatlarini qabul qilish va ularning kelgusi faoliyatini muvofiqlashtirish hamda monitoring qilish ishlari elektron tarzda amalga oshirib kelinmoqda.
Anjumanlar, ilmiy va ilmiy texnik tadbirlar platformasi yordamida respublika darajasida o‘tkazilishi rejalashtirilgan anjumanlar, ilmiy va ilmiy texnik tadbirlarni rejalashtirish, ro‘yhatdan o‘tkazish, ma’lumotlarini joylash ishlari, universitet olimlari va tadqiqotchilari tomonidan ishlab chiqilgan innovatsion ishlanmalar, mahsulotlar va loyihalar “Innovatsion ishlanmalar va ilmiy faoliyat mahsulotlari onlayn marketplace”ga joylashtiriladi va namoyish qilib boriladi.
Termiz davlat universiteti 2023-yildan boshlab universitet rahbar xodimlari hamda professor-o‘qituvchilari faoliyatiga baho berish, ular faoliyatining samaradorligini baholash (baholash mezoni – KPI) tizimi joriy etilgan. Ushbu tizimga universitet professor-o‘qituvchilari 4 ta yo'nalishlar kesimida (1-o‘quv-metodik ishlar va o‘qitish sifati - 10 ta indikatorga ega, 2-ilmiy-innovatsion faoliyat - 15 ta indikatorga ega, 3-xalqaro hamkorlik faoliyati – 9 ta indikatorga ega, 4-ijtimoiy-ma’naviy faoliyati, ijro va mehnat intizomi – 5 ta indikator) jami 39 ta indikatorga oid ma'lumotlarni tizimga elektron tarzda yuklaydilar. Jumladan 2024-yil yanvar oyidan dekabr oyi yakuniga qadar jami 741 nafar universitet professor-o‘qituvchilari va kafedra mudirlari tomonidan 38895 ta ma'lumot (hujjat) KPI platformasiga yuklangan bo‘lib, har-bir yuklangan hujjatni o‘rtacha ikki bet deb hisoblaganda 77 790 bet qog‘oz tejalishiga erishilgan. Buning natijasida qog'oz va vaqt samarali tejalishiga imkon yaratdi. Jumladan bundan ko‘zlangan asosiy maqsad Barqaror Rivojlanish Maqsadlariga (SDG) mos xizmat qilishdan iborat.
