Zaharli chiqindilarni tozalash

Laboratoriyalarda zaharli chiqindilarni tozalash va yo‘q qilish masalasi juda muhim, chunki ular ekologiyaga, inson salomatligiga va suv-tuproq sifatiga katta zarar yetkazishi mumkin. Termiz davlat universitetida ilmiy va o’quv laboratoriyalarida chiqindi kimyoviy moddalar (zaharli organik va noorganik moddalar) hamda elektr va elektron chiqindilar maxsus omborlarga yig’iladi. Qattiq, suyuq yoki gaz holatidagi xavfli chiqindilar alohida bunkerlarga yoki shisha idishlarga yig’iladi. Ular o’z vaqtida tegishli neytrallovchi va qayta ishlovchi bloklarga yetkaziladi. Chiqindi kimyoviy moddalar shahar ekalogiya bo’limi, shahar sanitariya epidamologiya bo’limi va Termiz “BIO TEXNO EKO” MChJ ning zaharli modalarni qayta ishlovchi bo’limlariga yetkaziladi. Ushbu kompaniyalar chiqindilarning ekalogiyaga zararini oldini oladi va qayta ishlaydi. Chiqindi zaharli moddalarning bir qismi esa universitet maxsus labaratoriyasida neytrallanadi va qayta ishlanadi. Shuningdek elektr va elektronika chiqindilari Toshkent shahar “Best Labour” MChJ tomonidan qayta ishlanadi.