Termiz davlat universitetida talabalar uchun biznes vakillari hamda bank-moliya muassasalari mas’ullari ishtirokida “Tadbirkorlikka ilk qadam” mavzusida o‘quv seminari bo‘lib o‘tdi.
Seminar davomida mutaxassislar yoshlarni tadbirkorlik faoliyatiga jalb etish, biznes g‘oyalarni shakllantirish, ularni moliyalashtirish mexanizmlari, kredit va imtiyozlar, shuningdek, startap loyihalarni amalga oshirish bo‘yicha muhim ma’lumotlar bilan tanishtirdilar. Talabalar o‘zlarini qiziqtirgan savollarga soha vakillaridan atroflicha javob olish imkoniga ega bo‘ldilar.
Samimiy muloqot jarayoni talabalarda tadbirkorlik ko‘nikmalarini rivojlantirish, mustaqil biznes boshlashga bo‘lgan ishonchni mustahkamlash hamda nazariy bilimlarni amaliy tajriba bilan uyg‘unlashtirishga xizmat qildi. Bunday seminarlar yoshlarning kelgusida raqobatbardosh mutaxassis va faol tadbirkor bo‘lib yetishishida muhim qadam hisoblanadi.
