TerDUda “Barqarorlik va energiya kelajagi: ilm-fan va sanoat o‘rtasidagi ko‘prik” mavzusida ilmiy seminar tashkil etildi

Fakultet mas’ullari, boshqarma va bo‘lim booshliqlari shuningdek Greenmetrics xalqaro reytingiga kirish bo‘yicha tuzilgan ishchi guruh vakillari ishtirok etigan seminarni Malayziya–Singapur–Yaponiya xalqaro akademik koordinatori, professor Ozoda Yuldasheva olib bordi.

Tadbir davomida Singapurdagi yashil energiya tizimlari, barqaror texnologiyalarni joriy etish tajribalari, shuningdek Malaysia, Singapur va Yaponiya universitetlari o‘rtasidagi xalqaro akademik almashinuvlar bo‘yicha ilg‘or amaliyotlar xususida ma’lumotlar keltirildi.

Mazkur seminar ishtirokchilarga barqaror rivojlanish, yashil texnologiyalar va energiya samaradorligi sohalarida xalqaro reytinglar — THE (Times Higher Education) hamda QS Sustainability Ranking mezonlari bo‘yicha amaliy bilim va tushunchalarni shakllantirish imkonini berganligi bilan ahamiyatli bo‘ldi.