Termiz davlat universiteti Ijtimoiy fanlar fakultetining amaliy psixologiya yo‘nalishi bitiruvchi talabalari uchun Surxondaryo viloyati IIBda uchrashuv tashkil etildi.
Unda talabalarga ichki ishlar organlarida inspektor-psixolog sifatida faoliyat yuritish, xizmatga qabul jarayonlari hamda yaratilgan imkoniyatlar haqida ma’lumot berildi. Shuningdek, nomzodlar kasbiy tayyorgarlik kurslari, xizmat intizomi va xodimlarning ijtimoiy himoyasi bilan ham tanishtirildi.
Tadbir yakunida “Ochiq eshiklar kuni” tashkil etilib, talabalar maxsus xizmat texnikalari va sohada yaratilgan sharoitlar bilan yaqindan tanishishdi.
Bu kabi uchrashuvlar yoshlarning kasbiy yo‘nalishini belgilash va malakali kadrlarni tayyorlashda muhim ahamiyat kasb etadi.
