TerDU Kengashi: tahlil, mas’uliyat va strategik qarorlar

Bugun Termiz davlat universitetida Kengashning navbatdagi yig‘ilishi bo‘lib o‘tdi. Yig‘ilish universitet taraqqiyotini belgilovchi muhim masalalarga bag‘ishlandi.

Yig‘ilish avvalida Kengash raisi A.Toshqulov kun tartibiga kiritilgan masalalarning mazmun-mohiyati va ularning universitet rivojidagi o‘rni haqida atroflicha to‘xtalib o‘tdi.

Shundan so‘ng:

oliy ta’limdan keyingi ta’lim izlanuvchilari faoliyatining 2025-yil yakuni bo‘yicha monitoring natijalari, ilmiy darajaga ega ilmiy-pedagogik xodimlarni moddiy rag‘batlantirish tizimini takomillashtirishga qaratilgan ishchi komissiya tarkibini tasdiqlash masalalari yuzasidan mas’ullarning ma’ruzalari tinglandi.

Muhokamalar davomida ilmiy salohiyat, kadrlar rag‘batlantirilishi va ilm-fan samaradorligini oshirishga qaratilgan aniq yondashuvlar ilgari surildi.

Yig‘ilish yakunida har bir masala bo‘yicha tegishli va strategik ahamiyatga ega qarorlar qabul qilindi