TerDU Biologiya ta’lim yo‘nalishi 1-bosqich talabalarining navbatdagi guruhi o‘quv-dala amaliyotini o‘tash uchun Darband o‘quv-amaliyot bazasiga yetib keldi.
Amaliyot davomida talabalar hudud florasi, o‘simliklarning morfologik va bioekologik xususiyatlari, sistematik tasnifi hamda tabiiy muhitga moslanish qonuniyatlarini amaliy jihatdan o‘rganadilar. Shuningdek, ular marshrutli kuzatuv, fenologik tahlil va botanika tadqiqotlarining zamonaviy usullarini o‘zlashtiradilar.
Tabiat qo‘ynida tashkil etilgan ushbu amaliyot yosh biologlarning nazariy bilimlarini mustahkamlash, ilmiy-tadqiqot ko‘nikmalarini rivojlantirish hamda kelajak kasbiy faoliyati uchun zarur tajriba to‘plashda muhim ahamiyat kasb etadi.
Darband o‘quv-amaliyot bazasida boshlangan navbatdagi amaliyot mavsumi ilmga chanqoq talabalarning yangi izlanishlari, yangi kuzatuvlari va yangi yutuqlariga zamin yaratmoqda.
