“Jadidlar jasorati - millatimiz faxri” mavzusidagi insholar tanlovi

Ajdodlarimiz xotirasini abadiylashtirish, ularning faoliyati va merosini yangicha tafakkur asosida o‘rganish, talaba-yoshlarda yuksak ma’naviyatni shakllantirish, jadidlarimizning badiiy asarlari ahamiyatini yoshlar ongiga singdirish hamda ularning ibratli hayoti va ijodi bilan tanishish maqsadida tashkil etilgan “Jadidlar jasorati - millatimiz faxri” mavzusidagi insholar tanlovining universitet bosqichi yakuniga yetdi.

Hay’at a’zolari har bir ishtirokchining ijodiy ishlarini baholashda uning mazmuni, mantiqiy va badiiy ifodaviyligiga alohida e’tibor qaratishdi. Ayni mezonlarni o‘zida jamlagan insholar mualliflari faxrli o‘rinlarni egalladi.

1-o‘rin: Raxmonova Sevinch (kimyo fakulteti)
2-o‘rin: Yusupova Maxliyo (yuridik fakulteti)
3-o‘rin: Xolliyeva Aziza (kimyo fakulteti)

Ma’lumot o‘rnida, 1-o‘rinni egallagan talabamiz joriy yilning 6-fevral kuni Qarshi davlat universitetida o‘tkaziladigan tanlovning mintaqaviy bosqichida universitetimiz sharafini himoya qiladi.