O‘zbekiston Respublikasi Prezidentining 2019-yil 6-sentyabrdagi PF-5812-son Farmoni va Vazirlar Mahkamasining tegishli qaroriga asosan, 2022/2023-o‘quv yilidan boshlab texnikumlarni muvaffaqiyatli tamomlagan bitiruvchilar oliy ta’lim muassasalariga, jumladan Termiz davlat universitetiga, kirish imtihonlarisiz, suhbat asosida qabul qilinmoqda.
Kimlar ariza topshirishi mumkin?
Quyidagi mezonlarga mos keluvchi texnikum bitiruvchilari:
Butun o'qishi davrida faqat “5 (a’lo)” va “4 (yaxshi)” baholar olganlar;
Umumiy fanlardan kamida 50% (tibbiyot yo‘nalishlari uchun — kamida 85%) “5 (a’lo)” bahoga ega bo‘lganlar.
Qabul tartibi qanday?
Bitiruvchilar Oliy ta’lim, fan va innovatsiyalar vazirligining rasmiy veb-sayti orqali onlayn ro‘yxatdan o‘tadi;
Suhbatdan muvaffaqiyatli o‘tgan bitiruvchilarga bakalavriatning 2-bosqichidan o‘qishni davom ettirish huquqi beriladi.
