Xotira va qadriyatlar: Qatag‘on qurbonlari yod etildi

Ma’lumki, mamlakatimizda 2001-yildan buyon 31-avgust – Qatag‘on qurbonlari xotirasini yod etish kuni sifatida keng nishonlanadi.

Shu munosabat bilan Termiz davlat universiteti huzuridagi Qatag‘on qurbonlari xotirasi muzeyiga Imom Termiziy o‘rta maxsus Islom bilim yurti ustozlari, talabalar, o‘quvchilar hamda harbiy xizmatchilar tashrif buyurishdi.

Tashrif davomida yurtimiz ozodligi va kelajagi yo‘lida jon fido qilgan muqaddas ajdodlarimiz xotirasiga hurmat bajo keltirildi. Shuningdek, ularning boy ma’naviy merosi xususida ma’lumotlar berildi.

Bunday tadbirlar shubhasiz yoshlar qalbida vatanparvarlik, tarixiy xotira va milliy qadriyatlarga sadoqat tuyg‘ularini yanada mustahkamlaydi.