"Markaziy Osiyo qadimgi aholisi mifologiyasi va diniy qarashlari" — Termiz davlat universitetida xalqaro ilmiy-amaliy anjuman

Bugun Termiz davlat universitetida “Markaziy Osiyo qadimgi aholisi mifologiyasi va diniy qarashlari” mavzusida xalqaro ilmiy-amaliy anjuman o‘z ishini boshladi.

Anjumanda Fransiya, Rossiya, Xitoy kabi davlatlardan taniqli olimlar, shuningdek, O‘zbekistonning yetuk mutaxassislari ishtirok etmoqda. Jumladan, Markaziy Osiyoning qadimgi tarixi bo‘yicha yetakchi tadqiqotchi akademik Ahmadali Asqarov, professor Rustam Sulaymonov, avestashunos olim Mirsodiq Is’hoqov, turkiy xalqlar tarixi bilimdoni, tarix fanlari doktori G‘aybulla Boboyorov, shuningdek, Xalqaro Islomshunoslik akademiyasi va Sharqshunoslik instituti olimlari o‘z ilmiy ma’ruzalari bilan qatnashmoqda.

Mazkur konferensiya O‘zbekistonda tarix fanlari yo‘nalishida o‘tkazilayotgan xalqaro va respublika darajasidagi ilmiy-amaliy anjumanlar safini yana bir qadam oldinga siljitmoqda.