Ilmiy hamkorlikning yangi bosqichi

Hozirda Minsk shahrida bo‘lib turgan Termiz davlat universiteti professor o‘qituvchilari Belarus Milliy Fanlar akademiyasining Fizika-Organik kimyo instituti direktori, akademik hamda laboratoriya mudiri bilan uchrashuv o‘tkazdilar.

Uchrashuv davomida O‘zbekiston–Belarus xalqaro fundamental loyihasi doirasida “Tabiiy xomashyolar asosida yangi ultra- va nanofiltratsion membranalar yaratish” mavzusida erishilgan ilmiy natijalar muhokama qilindi. Shuningdek, kelgusida amalga oshiriladigan qo‘shma ilmiy-tadqiqot ishlari yuzasidan kelishuvga erishildi.

Ma’lumot uchun: Institutda sanoat korxonalaridagi ishchi havosi va oqava suvlarni tozalash uchun tolali sorbentlar, chuchuklashtirilgan toza suv olish maqsadida ultra- va nanofiltratsion membranalar, shuningdek o‘simliklar uchun nanog‘itlar hamda mineral o‘g‘itlarga nanqo‘shimchalar ishlab chiqarish yo‘lga qo‘yilgan.