TerDUda dizayn yo‘nalishi talabalari uchun seminar-trening o‘tkazildi

Milliy libos va san’at fakulteti Dizayn (milliy kostyum) ta’lim yo‘nalishi talabalari uchun taniqli professional dizayner, o‘z kasbining yetuk mutaxassisi Ra’no Hamrayeva tomonidan “Ko‘p tikaman, kam topaman muammosidan chiqish formulasi” mavzusida seminar-trening tashkil etildi.

Seminar davomida dizayn sohasi bo‘yicha zamonaviy yondashuvlar, interaktiv metodlar hamda samarali o‘qitish uslublari namoyish etildi. Mutaxassis o‘zining ko‘p yillik tajribasi asosida dizayn sohasida muvaffaqiyatga erishish, mehnatni to‘g‘ri baholash va daromadni oshirish bo‘yicha o‘z tavsiyalari bilan o‘rtoqlashdi.

Mazkur seminar-trening yosh dizaynerlarning kasbiy ko‘nikmalarini rivojlantirish hamda ularni kelajakdagi faoliyatga yanada puxta tayyorlashda muhim ahamiyat kasb etdi.