25-may, 2026
TerDU — viloyat yoshlari va talabalari birlashayotgan katta maydon!
Termiz davlat universiteti Tarix fakulteti Arxeologiya kafedrasi doktoranti Turdiyev Jasur Xitoyning Sian (Xi’an) shahrida joylashgan Shimoliy G‘arbiy universiteti (Northwest University) Madaniy meros maktabi taklifiga binoan xalqaro ilmiy-amaliy stajirovka o‘tamoqda.
Stajirovka “China Exchange Program for Young International (CEP)” granti doirasida 2026-yil 28-fevraldan 29-martgacha davom etadi. Ilmiy faoliyat Sian (Xi’an) shahridagi “Xitoy – Markaziy Osiyo ‘Bir kamar, bir yo‘l’ qo‘shma inson va atrof-muhit laboratoriyasi”da olib borilib, unda qadimgi insonlar fiziologiyasi, suyak qoldiqlarining anatomik tahlili hamda paleopatologiya yo‘nalishlari bo‘yicha ilmiy bilim va tajriba boyitilmoqda.
Mazkur hamkorlik arxeologiya va bioantropologiya sohalarida xalqaro ilmiy aloqalarni rivojlantirishda muhim ahamiyat kasb etadi.
