Innovatsiyalar haftaligi davom etmoqda!

“InnoWeek–2025” xalqaro ko‘rgazmasi bu yil o‘z miqyosi va ishtirokchilar soni bilan yanada keng qamrov kasb etmoqda. Ushbu nufuzli xalqaro tadbirda Termiz davlat universitetining professor-o‘qituvchi va talabalari ham faol ishtirok etib, o‘zlarining innovatsion g‘oyalari, texnologik ishlanmalari hamda ilmiy loyihalarini taqdim etishayapti.

Haftalik doirasida “Eng yaxshi g‘oya”, “Eng yaxshi loyiha” va “Eng yaxshi ixtiro” respublika tanlovi g‘oliblari ko‘krak nishonlari bilan taqdirlandilar!

Termiz davlat universiteti tayanch doktoranti Bozorov Yoqubjon o‘zining “Mahalliy xom-ashyolar asosida ionalmashinuvchi, ultrafiltratsion membranalar olish” nomli loyihasi bilan “Innovatsion g‘oyalar yetakchisi” ko‘krak nishoni bilan taqdirlandi.

Ushbu yutuq — Surxondaryo ilmiy salohiyatining yuksak namunasi!

Tadqiqotchilarimizga keyingi ilmiy faoliyatlarida yanada katta zafarlar tilaymiz!