Boysunda yangi imkoniyatlar o‘rganilmoqda

Surxondaryo viloyati hokimining topshiriqlariga muvofiq, Termiz davlat universiteti huzuridagi Hududiy tadqiqotlar markazi olimlari va professor-o‘qituvchilari Boysun tumanida bo‘lib, hududning mavjud salohiyatini atroflicha o‘rgandilar.

O‘rganishlar davomida ishchi guruh tomonidan tabiiy resurslardan samarali foydalanish, aholi bandligini ta’minlash va yangi ish o‘rinlari yaratishga qaratilgan amaliy tahlillar olib borildi.

Shuningdek, mehnat faxriylari va nuroniylar bilan uchrashuvlar tashkil etilib, ularning hayotiy tajribasi, fikr va takliflari tinglandi. Muloqotlar davomida hudud iqtisodiyotini rivojlantirish, qishloq xo‘jaligida samaradorlikni oshirish, ijtimoiy sohalarni yanada yaxshilash hamda turizm salohiyatidan keng foydalanish masalalari muhokama qilindi.

Uchrashuv yakunida Boysun tumanini kompleks rivojlantirish, yangi loyihalarni amalga oshirish va aholi farovonligini oshirishga qaratilgan qator amaliy takliflar ilgari surildi.

Mazkur o‘rganishlar hudud imkoniyatlarini to‘liq ishga solish, iqtisodiy o‘sishni ta’minlash va aholi turmush darajasini yanada yaxshilashga xizmat qiladi.