TerDU xalqaro ilmiy-amaliy anjumani!

Universitetimizda O‘zbekiston Fanlar akademiyasi V.I.Romanovskiy nomidagi Matematika instituti bilan hamkorlikda “Algebra va analizning dolzarb masalalari” mavzusida xalqaro ilmiy-amaliy anjuman o‘tkazilmoqda.

Yalpi majlisda Termiz davlat universiteti rektori so‘zga chiqib, mazkur xalqaro ilmiy-amaliy anjuman ishida ishtirok etayotgan akademik hamda professor-olimlarni tanishtirdi.

Shuningdek, Xalqaro anjuman asnosida fizika-matematika fanlari doktori, professor Ismoil Allakovni 75 yoshni qarshi olishi munosabati bilan ustozga sihat-salomatlik va ilmiy-pedagogik ishlariga ulkan muvaffaqiyatli mehnat yo‘lida ezgu istaklar bildirildi.

Anjumanning ilmiy ahamiyati haqida to‘xtalgan A.Toshqulov: sho‘ba yig‘ilishlari anjumanning samaradorligini belgilaydigan eng muhim omillardan biri ekanini ta’kidladi, ma’ruzalarda doktorantlar, mustaqil tadqiqotchi va magistrantlarimizni keng jalb etish bo‘yicha o‘z tavsiyalarini berdi.

Ayni damda anjuman o‘z ishini 6 ta sho‘ba yig‘ilishlarida davom ettirmoqda.