25-may, 2026
TerDU — viloyat yoshlari va talabalari birlashayotgan katta maydon!
O‘zbekiston Respublikasi Oliy ta’lim, fan va innovatsiyalar vazirligi, Termiz davlat universiteti va M.Auezov nomidagi Janubiy Qozog‘iston davlat universiteti tashabbusi bilan “Filologiyaning dolzarb va istiqbolli masalalari” mavzusidagi xalqaro ilmiy-amaliy konferensiya o‘tkazildi.
Konferensiyaning maqsadi: Zamonaviy tilshunoslik, adabiyotshunoslik, tarjimashunoslik hamda xorijiy tillarni o‘qitish metodikasi yo‘nalishlaridagi dolzarb masalalarni muhokama qilish, yangi taklif va tavsiyalar ishlab chiqish.
Asosiy yo‘nalishlar:
Tilshunoslik va lingvokulturologiya
Adabiyotshunoslik va madaniy tadqiqotlar
Tillarni o‘qitish metodikasi
Tarjimashunoslik va madaniyatlararo muloqot
Anjumanda AQSH, Keniya, Filippin, Germaniya, Eron, Afg‘oniston, Hindiston, Rossiya, Belarus, Qozog‘iston, Tojikiston va O‘zbekiston olimlari ishtirok etmoqda.
Ushbu konferensiyada 500 nafardan ortiq olimlar o‘z ilmiy ishlari natijalarini konferensiya materiallari to‘plamiga kiritish uchun taqdim etishdi.
31-oktyabr kuni mehmonlar uchun Termiz va Surxondaryo viloyatining tarixiy hamda diqqatga sazovor joylariga ekskursiya tashkil etiladi.
Ilm, til va madaniyatni rivojlantirish yo‘lida xalqaro hamkorlik — bizning ustuvor maqsadimiz!
