Bugun TerDUda Yevropa Ittifoqining O‘zbekistondagi Favqulodda va Muxtor Elchisi janob Toivo Klaar boshchiligidagi delegatsiya mehmon bo‘ldi.

Samimiy va konstruktiv muloqot davomida universitet rektori Yevropa Ittifoqi bilan ta’lim, ilm-fan va akademik hamkorlikni yanada kengaytirish bo‘yicha qator tashabbus va takliflarni ilgari surdi. Jumladan:

Viloyatdagi OTMda nemis va fransuz tillarini rivojlantirish bo‘yicha qo‘shma dasturlarni yo‘lga qo‘yish;
Erasmus+ loyihalari doirasida seminarlar tashkil etish hamda Yevropadagi nufuzli OTMlar bilan hamkorlik aloqalarini kengaytirish;
Talabalar va professor-o‘qituvchilar almashinuvini yanada faollashtirish orqali ta’limiy hamkorlikni chuqurlashtirish.

Ma’lumot o‘rnida: so‘nggi yillarda TerDU professor-o‘qituvchilari, doktorantlari va talabalarining Erasmus+ (PAVER, INTRAS, TRIGGER) loyihalaridagi faolligi ortib, ishtirokchilar soni 200 nafardan oshdi. Hozirgi kunda TerDU 10 dan ortiq Yevropaning nufuzli universitetlari bilan hamkorlik aloqalari yo‘lga qo‘yilgan.