TerDU professor-o‘qituvchilari Turkiyaning yetakchi universitetlarida

Ayni kunlarda Termiz davlat universiteti O‘zbek filologiyasi fakultetining bir guruh professor-o‘qituvchilari Turkiyaning “Top 1000” reytingiga kirgan yetakchi oliy ta’lim muassasalari — Hacettepe universiteti (QS–641) hamda Anqara universiteti (QS–801)larda xizmat safarida bo‘lib turishibdi.

Tashrif davomida:
Professor-o‘qituvchilarimiz mazkur nufuzli universitetlarning talabalari va professorlari uchun maxsus ma’ruzalar o‘tkazdilar.
Kelgusida amalga oshiriladigan qo‘shma loyihalar bo‘yicha ilmiy-amaliy hamkorlik aloqalari yo‘lga qo‘yildi.
Turkiyalik hamkorlarning boy axborot-resurs platformalaridan foydalanish yuzasidan o‘zaro kelishuvga erishildi.
Oliy ta’lim jarayonini tashkil etishdagi ilg‘or tajribalar, dars jarayonlari va ilmiy muhit bilan yaqindan tanishildi.

Ushbu tashrif natijasida nomoddiy investitsiyalar doirasida qo‘shma ilmiy loyihalarda ishtirok etish, raqamli platformalarda hamkorlikni kengaytirish orqali universitetning ilmiy salohiyati va xalqaro reytinglardagi o‘rnini yanada mustahkamlash ko‘zda tutilgan.