25-may, 2026
TerDU — viloyat yoshlari va talabalari birlashayotgan katta maydon!
Xabar berganimizdek, bugun Oliy taʼlim, fan va innovatsiyalar vazirligi hamda Sport vazirligi hamkorligida tashkil etilgan oʻquv-amaliy seminar va sport haftaligi boshlandi.
2026-yil 7-aprel kuni Prezidentimiz raisligida oʻtkazilgan videoselektor yigʻilishida belgilangan ustuvor vazifalar ijrosini taʼminlash maqsadida tashkil etilgan o'quv-amaliy seminarida Oliy taʼlim, fan va innovatsiyalar vaziri Qoʻngʻirotboy Sharipov, Sport vaziri Adham Ikramov hamda Surxondaryo viloyati hokimi Ulugʻbek Qosimov ishtirok etishdi.
Yig'ilishda jismoniy tarbiya va sportni oliy taʼlim tizimi bilan uzviy bogʻlash, talabalar oʻrtasida sogʻlom va faol hayot tarzini shakllantirish, sport infratuzilmasini rivojlantirish masalalari bugungi kunning ustuvor yoʻnalishlaridan ekani alohida qayd etildi.
