TerDU o‘qituvchisi xalqaro raqamli arxeologiya dasturida ishtirok etmoqda

Xitoy Xalq Respublikasining Sian shahrida 2025-yil 16–25-dekabr kunlari Shimoliy-G‘arbiy universitet hamda YuNESKO huzuridagi Tabiiy va madaniy meros uchun kosmik texnologiyalar xalqaro markazi (HIST) hamkorligida
“Markaziy Osiyo mamlakatlari uchun raqamli arxeologiya bo‘yicha mutaxassislar tayyorlash seminari – 2025” bo‘lib o‘tmoqda.

Mazkur nufuzli xalqaro ta’lim dasturida Termiz davlat universiteti o‘qituvchisi Shapulatov Ulugʻbek faol ishtirok etmoqda. Seminar doirasida raqamli arxeologiya sohasiga oid zamonaviy bilim va ko‘nikmalar berilib, masofadan zondlash, GIS, 3D lazerli skanerlash, fotogrammetriya hamda dron (UAV) texnologiyalarini arxeologik tadqiqotlarda qo‘llash bo‘yicha nazariy va amaliy mashg‘ulotlar olib borilmoqda.

Ushbu seminar Xitoy va Markaziy Osiyo mamlakatlari o‘rtasidagi ilmiy hamkorlikni yanada mustahkamlash, shuningdek, arxeologik yodgorliklar va madaniy merosni raqamli texnologiyalar asosida o‘rganish, hujjatlashtirish va asrashga xizmat qiladi