Tsinghua_universiteti

Xitoyning Pekin shahar universitetida akademik almashinuv dasturi doirasida tahsil olayotgan universitetimiz talabalari xalqaro THE reytingi bo'yicha dunyoda 12-o'rinni egallagan, Osiyo universitetlari reytingida 1-o'rinda turuvchi Tsinghua universitetiga tashrif buyurib, ushbu universitetda yaratilgan imkoniyatlar bilan yaqindan tanishishdi.

Ma'lumot uchun, Xitoy Xalq Respublikasining raisi Si Szinpin 1911-yilda tashkil etilgan ushbu oliygoh bitiruvchisi hisoblanadi. Dunyo miqyosida sun'iy intellekt bo'yicha yozilgan eng ko'p iqtibosga ega 100 ta ilmiy tadqiqot ishlarining aksariyati Tsinghua universitetiga to'g'ri keladi. Universitet har yili dunyoning eng yetakchi MIT, Stenford, Prinston va Garvard universitetlarining birgalikdagi sonidan ko'proq sun'iy intellektga oid patentlarni ishlab chiqaradi.