Termiz davlat universiteti rahbariyati tomonidan ta’limga investitsiya kiritish va ta’lim eksportini amalga oshirish ishlari olib borilmoqda

Joriy yilning 16-yanvar kuni O‘zbekiston Respublikasi Prezidenti raisligida o‘tkazilgan videoselektor yig‘ilishida ta’limga investitsiya kiritish va ta’lim eksportini amalga oshirish bo‘yicha belgilangan topshiriqlar ijrosi doirasida Termiz davlat universiteti rahbariyati tomonidan amaliy harakatlar olib borilmoqda

Kuni-kecha TerDU rahbariyati yaqin hamkorga aylanib borayotgan Malayziya davlatining "Kedah Agro Holdings" kompaniyasi mas'ullari bilan onlayn muzokaralar o‘tkazdi. Jarayonda rektor A.Toshqulov tomonidan taklif etilgan istiqbolli loyihalarni xorijiy kompaniya mutasaddilari moliyaviy qo‘llab-quvvatlashga tayyorligini bildirishdi.

4-5-fevral kunlari Malayziyaning Kuala-Lumpur shahrida bo‘lib o‘tadigan ikki mamlakat oliy ta’lim muassasalari vakillari forumida hamkorlar bilan navbatdagi uchrashuv rejalashtirilgan bo‘lib, TerDU va xorijiy kompaniyalar bilan ko‘p qirrali hamkorlikni mustahkamlash va amaliy bosqichga o‘tishga qaratilgan o‘zaro anglashuv memorandumi imzolanishi kutilmoqda.