25-may, 2026
TerDU — viloyat yoshlari va talabalari birlashayotgan katta maydon!
Bugun TerDU rektori Malayziyaning Utara universitetiga ketayotgan talabalarimiz bilan uchrashdi.
Utara universitetining qishki maktab dasturiga jalb etilayotgan talabalar va mas’ullar ishtirokida o‘tgan muloqotda rektorimiz O‘zbekiston va Malayziya davlat rahbarlarining o‘zaro ishonch va samimiy munosabatlari ta’lim tizimida ham hamkorlik aloqalarining kengayishiga asos bo‘layotganligini ta’kidladilar.
Jarayonda, safar chog‘i talabalarimiz va mas’ul o‘qituvchilar zimmasidagi majburiyat uqtirildi, tavsiyalar berildi.
Ma’lumot o‘rnida, jami 30 nafar talaba va o‘qituvchilarimiz 10 kun davomida Malayziyaning Utara universitetida bo‘lishadi. Ushbu universitet (THE xalqaro reytingi bo‘yicha 401-500 o‘rinda, QS bo‘yicha 554-o‘rinda) turadi.
