“Akademik harakatchanlik” dasturining g‘olib yosh olimlari taqdirlandi.

O‘zbekiston Respublikasi Vazirlar Mahkamasining 2021-yil 19-apreldagi 222-son qarorida belgilangan vazifalar ijrosini ta’minlash maqsadida Oliy ta’lim, fan va innovatsiyalar vazirligi huzuridagi Innovatsion rivojlanish agentligi tomonidan

“Akademik harakatchanlik” dasturi bo‘yicha 37 ta loyihalar qabul qilindi.

Tanlov natijalariga ko‘ra 13 nafar yosh olimning loyihalarini moliyalashtirish bo‘yicha yakuniy qaror qabul qilindi va sertifikat bilan taqdirlandi.

E’tiborli tomoni respublika tanlovi g‘oliblarining 13 nafaridan 4 nafari Termiz davlat universitetining doktorantlaridir. Barcha g‘oliblarni chin dildan tabriklaymiz, ularga sog‘liq va ilmiy ishlariga ulkan muvaffaqiyatlar tilaymiz.