Termiz davlat universitetida magistrantlar bilan uchrashuv tashkil etildi

Termiz davlat universiteti Magistratura bo‘limi tomonidan 2024-2025 o‘quv yilida o‘qishga qabul qilingan talabalari ishtirokida uchrashuv bo‘lib o‘tdi. Unda mas’ullar hamda magistratura yo‘nalishlarida tahsil olayotgan talabalar qatnashdi.

Uchrashuv davomida universitetning Germaniya, Malayziya, Turkiya, Belorussiya, Xitoy va Rossiya kabi davlatlarning yetakchi oliy ta’lim muassasalari bilan yo‘lga qo‘yilgan xalqaro hamkorliklari xususida batafsil ma’lumot berildi. Xususan, akademik mobillik dasturlari va xorijiy oliygohlarda ilmiy-amaliyot o‘tash imkoniyatlari, ulardan samarali foydalanish mezonlari haqida tushuntirishlar berildi.

Shuningdek, magistrantlarning ilmiy izlanishlari, dissertatsiya mavzulari doirasida erishilayotgan ilmiy yangiliklar hamda innovatsion g‘oyalari asosida ilmiy va tijorat loyihalarini shakllantirish, ularni amaliyotga joriy etish imkoniyatlari va istiqbollari yuzasidan ham zaruriy tavsiyalar taqdim etildi.

Mazkur uchrashuv talabalar uchun o‘z ilmiy salohiyatini yanada rivojlantirish, xorijiy tajribani o‘rganish hamda ilmiy faoliyatda yuqori natijalarga erishishda muhim ahamiyat kasb etdi.