25-may, 2026
TerDU — viloyat yoshlari va talabalari birlashayotgan katta maydon!
TerDU rektori A.Toshqulov universitet hududida faoliyat yuritayotgan tadbirkorlik sub’yektlari rahbarlari bilan samimiy va konstruktiv muloqot olib bordi. Uchrashuv davomida rektor tadbirkorlarni har tomonlama qo‘llab-quvvatlash, ularning ilg‘or taklif va tashabbuslarini hayotga tatbiq etishga universitet doimo tayyor ekanini alohida ta’kidladi.
Suhbat chog‘ida universitet hududida o‘quv kurslari va ishlab chiqarish nuqtalarini yo‘lga qo‘yish bo‘yicha amaliy tavsiyalar berildi. Bu esa nafaqat iqtisodiy faollikni oshiradi, balki talabalarga ham real amaliyotdan saboq olish imkonini yaratadi.
Shuningdek, xizmat ko‘rsatish sohasida faoliyat olib borayotgan sub’yektlarga zamonaviy, qulay va yaratuvchan muhit shakllantirish, professor-o‘qituvchilar hamda talabalar bilan ochiq va samimiy muloqotda bo‘lish, innovatsion yondashuvlarga intilish kabi muhim vazifalar yuklatildi.
Mazkur uchrashuv asnosida hududda faoliyat yuritayotgan 17 ta tadbirkorlik sub’yekti vakillarining taklif va fikrlari eshitildi, mavjud muammolar joyida hal etildi.
