TerDUda “Ma’rifat darslari”

Universitetimizda haftaning payshanba kuni “Ma’rifat darslari” kuni sifatida belgilanganligi bois rektor va prorektorlar talabalarga ijtimoiy siyosiy mavzularda ma’ruzalar qilishadi.

Masalan rektorimiz A.Toshqulov yuridik fakultet talabalariga Prezidentimizning xalqaro maydondagi diplomatik aloqalari, fuqarolarning yaqin kelajakda emas bugun munosib sharoitlarda yaxshi yashashlarini ta’minlash borasida amalga oshirilayotgan tizimli islohotlar xususida tahliliy ma’lumotlar berdi.

Shuningdek, TerDU rektorining yoshlar masalalari va ma’naviy-ma’rifiy ishlar, o‘quv ishlari, ilmiy ishlar va innovatsiyalar bo‘yicha prorektorlari ham auditoriyalarda bo‘lishib, o‘z yo‘nalishlari yuzasidan ma’ruzalar qilishdi.

Ta’kidlanganidek bunday muloqot va seminar mashg‘ulotlari talabalarda islohotlarga nisbatan daxldorlik va teran munosabatni shakllantirishda katta ahamiyat kasb etadi.