“Akademik harakatchanlik” dasturining 2025-yilgi g‘olib yosh olimlari aniqlandi

O‘zbekiston Respublikasi Vazirlar Mahkamasining 2021-yil 19-apreldagi 222-son qarorida belgilangan vazifalar ijrosini ta’minlash maqsadida joriy yilning 1-fevralidan 28-fevraliga qadar “Akademik harakatchanlik” dasturi tanlovi o‘tkazildi. Unga yosh olimlar tomonidan 125 ta loyiha topshirildi. Yakuniy natijalarga ko‘ra 16 nafar yosh olimning loyihasi g‘olib deb topildi. Ular bilan quyida keltirilgan ro‘yxat orqali tanishishingiz mumkin.

Quvonarlisi ushbu tanlovda Termiz davlat universiteti kimyo fakultetining 5-nafar tayanch doktoranti ham g‘olib deb topildi.

1. Loyiha rahbari: Rasulova Safarmoh
Loyiha nomi: Ba’zi biometallarning fiziologik faol ligandlar bilan kompleks birikmalari sintezi, tuzilishi va xossalaridagi sinergiya hodisasi
Loyiha mablag‘i: 70 670 900 so‘m

2. Loyiha rahbari: Xushboqov Abduvali
Loyiha nomi: Neftni qayta ishlash korxonasi oqova suvlarini tozalash uchun samarali adsorbsion-katalitik nanotizimlarining olinishi
Loyiha mablag‘i: 70 060 000 so‘m

3. Loyiha rahbari: Karimova Naima
Loyiha nomi: Mahalliy xomashyolardan tereftal kislota olish va tereftal kislota asosida aminobenzoy kislota sintezi
Loyiha mablag‘i: 62 800 000 so‘m

4. Loyiha rahbari: Samariddinov Jasur
Loyiha nomi: Mahalliy xomashyolar asosida samarador qurilish gidrogellari olish texnologiyasini ishlab chiqish
Loyiha mablag‘i: 72 200 000 so‘m

5. Loyiha rahbari: Eshqurbonova Munisaxon
Loyiha nomi: Yangi samarali kompleks hosil qiluvchi ionitlar sintezi va uning tadqiqoti
Loyiha mablag‘i: 63 780 000 so‘m

Barcha doktorantlar va ularning ilmiy rahbarlarini erishgan yutuqlari bilan tabriklaymiz!