23-may, 2026
TerDU talabalari “To‘polang” GESda!
O‘zbekiston va Xitoyning tarixiy poytaxt shaharlarini saqlash va rivojlantirishga bag‘ishlangan sessiya bo‘lib o‘tdi
2-iyun kuni Samarqandda “Ta’lim, fan va texnologiyalar sohasida innovatsion hamkorlik” forumi doirasida “O‘zbekiston va Xitoyning tarixiy poytaxt shaharlarini saqlash va rivojlantirish” mavzusida sessiya bo‘lib o‘tdi.
“Ipak yo‘li” turizm va madaniy meros xalqaro universitetida tashkil etilgan mazkur anjumanda ikki mamlakatning oliy ta’lim va ilmiy-tadqiqot muassasalari vakillari, soha ekspertlari, olimlar va doktorantlar ishtirok etdi.
Unda O‘zbekiston Respublikasi Turizmni rivojlantirish qo‘mitasi vakili, Shensiy provinsiyasi Ta’lim boshqarmasi vakili, shuningdek universitet va institut rahbarlari nutq so‘zladi.
Tadbir davomida tomonlar madaniy meros obyektlarini saqlash, ilmiy hamkorlikni kuchaytirish, tarixiy shaharlarni xalqaro turizm markaziga aylantirish kabi masalalarni muhokama qilishdi.
Sessiya yakunida tomonlar O‘zbekiston va Xitoyning tarixiy poytaxt shaharlarini ilmiy asosda o‘rganish va saqlash bo‘yicha hamkorlikni davom ettirishga kelishib oldilar.
