25-may, 2026
TerDU — viloyat yoshlari va talabalari birlashayotgan katta maydon!
Termiz davlat universitetida “Dolzarb 90 kunlik” dasturi doirasida talabalarning bo‘sh vaqtini mazmunli tashkil etish, ularning ma’naviy-axloqiy dunyoqarashini boyitish va milliy qadriyatlarimizga bo‘lgan hurmatini oshirish maqsadida navbatdagi ma’naviy tadbir tashkil etildi.
O‘zbekiston milliy maqom san’ati markazi Surxondaryo viloyati hududiy bo‘limi bilan hamkorlikda o‘tkazilgan ushbu musiqiy kechada talabalar milliy kuy-qo‘shiqlar sehriga oshno bo‘lishdi. Tadbir davomida ijro etilgan maqom asarlari, milliy cholg‘ularimiz ohangi va xonandalar tomonidan kuylangan qo‘shiqlar tomoshabinlarda katta taassurot qoldirdi.
