TerDUda navbatdagi apparat yig‘ilishi bo‘lib o‘tdi

Termiz davlat universiteti rektori huzurida bo‘lib o‘tgan navbatdagi apparat yig‘ilishida prorektorlar, fakultet dekanlari hamda kun tartibiga daxldor mas’ullar ishtirok etishdi.

Yig‘ilish avvalida rektor A. Toshqulov Prezidentimiz raisligida o‘tgan videoselektor yig‘ilishi tafsilotlari, unda ko‘rilgan masalalar va berilgan topshiriqlar yuzasidan batafsil to‘xtalib o‘tdilar.

Yig‘ilish davomida quyidagi masalalar muhokama qilindi:

Qarzdor talabalar uchun o‘quv mashg‘ulotlarini tashkil etish holati;
Shtatlar qisqarishi bilan bog‘liq vazifalar ijrosi;
 “Dolzarb 90 kunlik” doirasida har bir mahallada o‘tkaziladigan mehnat yarmarkalarida universitet bitiruvchilarining ishtirokini ta’minlash;
Masofaviy ta’lim shaklida o‘quv jarayonini tashkil etish, buning uchun platforma yaratish va fan resurslarini tayyorlash;
Auditoriyalar va laboratoriyalarni yangi o‘quv yiliga tayyorlash;
Universitetdagi qo‘shma ta’lim dasturlarining targ‘ibotini kuchaytirish;
Fakultetlarni xalqaro akkreditatsiyadan o‘tkazish jarayonlariga kirishish;
Universitetda xorijlik talabalar ulushini oshirish bo‘yicha topshiriqlar ijrosi.

Yig‘ilish yakunida mas’ul rahbarlarga topshiriqlarning ijrosi va nazorati bo‘yicha aniq vazifalar belgilab berildi.