“Talabalar Kibersport o‘yinlari – 2025” chempionati yakunlandi!

Termiz davlat muhandislik va agrotexnologiyalar universitetida o‘tgan “Talabalar Kibersport o‘yinlari – 2025” chempionatining hududiy yakuniy bosqichi kutilganidek talabalarimizning ustunligida o‘tdi.

Ushbu nufuzli turnir davomida talabalar o‘zlarining strategik fikrlash qobiliyati, jamoaviy ishlash tajribasi va tezkor qaror qabul qilish salohiyatini namoyon etishdi. Chempionat “Dolzarb 90 kun” loyihasi doirasida yoshlarning texnologiyaga bo‘lgan qiziqishini oshirish, ularni zamonaviy raqamli sohalarga jalb qilish maqsadida tashkil etildi.

Unda ishtirok etgan Termiz davlat universiteti talabalari musobaqalarning "Just Dance" hamda "Dota2" yo‘nalishlarida 1-o‘rinni, CS2" yo‘nalishida esa 3-o‘rinni egallab joriy yilning 21-24-iyun kunlari Farg‘ona viloyatida bo‘lib o‘tadigan respublika bosqich yo‘llanmasini qo‘lga kiritishdi.

Biz esa talabalarimizga musobaqaning respublika bosqichida ham omad tilaymiz.