Sho‘rchi tumani – Dolzarb 90 kun

Bugun Sho‘rchi tumanidagi Madaniyat markazida "Karyera kuni va mehnat yarmarkasi" bo‘lib o‘tdi. Tadbir Termiz davlat universiteti va Sho‘rchi tuman hokimligi hamkorligida tashkil etildi.

Dastlab uchrashuv tashkil etilib, yuridik fakulteti vakillari yoshlar bilan ochiq muloqot o‘tkazishdi. Ular TerDUdagi o‘qish imkoniyatlari, kasb tanlashda muhim jihatlar va yurisprudensiya sohasining bugungi kundagi ahamiyati haqida tushunarli ma’lumotlar berishdi.

Tadbir sho‘rchilik yoshlar uchun kelajak kasbini tanlashda foydali va ilhomlantiruvchi bo‘ldi. Oliy ta’lim sari ishonch bilan qadam tashlashga undadi.