Bugun TerDUda universitet Kengashining navbatdagi yig'ilishi bo'lib o'tdi

Unda dastlab universitetning 2025-2027-yillarga mo‘ljallangan strategiyasi tasdiqlandi. Ushbu strategiya universitetning rivojlanish yo‘nalishlarini belgilash hamda o‘quv jarayonining samaradorligini oshirishga qaratilgan.

Shuningdek, "Termiz universiteti” gazetasida e'lon qilingan vakant ish o‘rinlari, jumladan, kafedra mudiri, professor, dotsent, katta o‘qituvchi, o‘qituvchi va o‘qituvchi-stajyor lavozimlariga oid tanlovlar muvaffaqiyatli o‘tkazildi hamda universitetda yaratilgan elektron platforma orqali Kengash a'zolari tomonidan ovoz berish yo‘li bilan natijalar tasdiqlandi.

Yig‘ilish davomida dotsent va professor ilmiy unvonlari uchun nomzodlarni tayinlash Nizomi tasdiqlandi, shuningdek, ilmiy unvonlarga tavsiya etish masalasi muhokama qilindi. Oliy ta’limdan keyingi ta’lim izlanuvchilar faoliyatining samaradorligi monitoring natijalari ko‘rib chiqilib, “Yoshlar akademiyasi liderlari” faoliyatini tashkil etish to‘g‘risida vazifalar belgilandi.