23-may, 2026
TerDU talabalari “To‘polang” GESda!
Bugun Termiz davlat universitetida Islom taraqqiyot banki (ITB) delegatsiyasi bilan uchrashuv bo‘lib o‘tdi. Ayni kunlarda viloyatimizda bo‘lib, ITB mablag‘lari hisobidan moliyalashtirilgan loyihalarni monitoring qilish va istiqboldagi rejalarni muhokama qilayotgan delegatsiya a’zolari TerDUga ham tashrif buyurdi.
Uchrashuv davomida tomonlar o‘rtasida konstruktiv muloqot olib borildi. Ma’lumot uchun, universitetda ITB mablag‘lari hisobidan bir qator muhim loyihalar amalga oshirilgan. Jumladan, “Ekologiya”, “Materialshunoslik” va boshqa ilmiy yo‘nalishlar uchun zamonaviy laboratoriya uskunalari xarid qilinib, umumiy qiymati qariyib 2,5 mlrd so‘mni tashkil etdi. Bu jihozlar nafaqat TerDUning ilmiy-tadqiqot salohiyatini oshirdi, balki talabalar uchun xalqaro standartlarga mos amaliy ta’lim olish imkoniyatini ham yaratdi.
“Universitetda yaratilgan xalqaro ruh va muhitni his qildim. Bu, shubhasiz, dunyo oliy ta’limi bilan integratsiyada muhim ahamiyat kasb etadi. Kelgusida hamkorlik aloqalarimizni yanada kengaytirishda bu katta omil bo‘ladi”, — dedi ITB vakili Musa Jega Ibrahim.
Muloqotda TerDU rektori universitet istiqboli bilan birga Surxondaryo viloyatining ijtimoiy-iqtisodiy rivojlanishiga xizmat qiluvchi yangi loyihalar bo‘yicha ham takliflar ishlab chiqish zarurligini ta’kidladi.
Tashrif chog‘ida ITB delegatsiyasi universitet kampusidagi sharoitlar bilan tanishib, moliyalashtirilgan loyihalar doirasida yaratilgan infratuzilma va jihozlarni ko‘zdan kechirdi.
