Bugun Termiz davlat universiteti Xotin-qizlar kengashi tashabbusi bilan talaba-qizlar ishtirokida “Xon atlas” nomli ma’naviy-ma’rifiy tadbir bo‘lib o‘tdi.

Tadbirda milliy liboslarimiz — xon atlas, adras va boshqa bezakli kiyimlar namoyish etilib, ularning betakror go‘zalligi va tarixi haqida talabalarga qiziqarli ma’lumotlar berildi.

Ushbu tadbir milliy qadriyatlarni qadrlash, an’analarni asrab-avaylash, yoshlar estetik didini shakllantirish va milliy o‘zligimizni mustahkamlashga xizmat qildi.

“Xon atlas — milliy g‘ururimiz, ajdodlar merosi va xalqimiz ko‘zgusidir” g‘oyasi tadbirning bosh shiori bo‘ldi.

Shuningdek, “Birinchi kurs maktabi” doirasida Milliy liboslar kuni munosabati bilan ziyorat va sayohat tadbiri tashkil etildi. Unda talabalarimiz milliy liboslarda muqaddas qadamjolarda bo‘lib, buyuk allomalarimizning ilmiy merosi, islom sivilizatsiyasidagi o‘rni hamda bugungi yoshlar uchun qoldirgan ma’naviy saboqlari haqida chuqur ma’lumotlarga ega bo‘lishdi.