“Najot-ta'limda, najot-tarbiyada, najot-bilimda”

Bugun yurtimizdagi barcha taʼlim muassasalarida yangi oʻquv yiliga start berildi. Termiz davlat universitetida ham “Najot-ta'limda, najot-tarbiyada, najot-bilimda” shiori ostida oʻquv yili tantanali ravishda, koʻtarinki kayfiyatda boshlandi.

Yangi o‘quv yilining boshlanishi munosabati bilan tashkil etilgan tantanali marosimda Termiz davlat universiteti rektori A.Toshqulov nutq soʻzlab, barcha yoshlarni O‘zbekiston Respublikasi davlat mustaqilligining 33 yilligi hamda talabalik baxtiga muyassar boʻlgani bilan tabrikladi. Ularga yangi oʻquv yilida yangi marralar, natijalarga erishishlarini tilab, oʻquv yilini rasman ochdi.

Tadbirda soʻz olganlar yurtimizda soʻnggi yillarda taʼlim tizimida olib borilayotgan islohotlar, oʻzgarishlar haqida alohida toʻxtalib oʻtishdi.

Yangi o‘quv yilini ko‘tarinki ruhda boshlagan talabalar auditoriyalarga kuzatildi. Ularga Univesitetning professor-o‘qituvchilari tomonidan mustaqillik darslari o‘tiladi.