Yozgi kasblar markazining ochilish marosimi bo‘lib o‘tdi

Bugun Termiz shahrida yoshlar uchun muhim ahamiyatga ega bo‘lgan Yozgi kasblar markazining tantanali ochilish marosimi bo‘lib o‘tdi. Tadbirda Surxondaryo viloyati hokimi Ulug‘bek Qosimov ishtirok etib, markaz faoliyatini rasman boshlab berdi.

Mazkur markazda yozgi ta’til davrida yoshlarning bo‘sh vaqtlarini mazmunli o‘tkazish, ularning kasb-hunar o‘rganishga bo‘lgan qiziqishini oshirish maqsadida "Dolzarb 90 kun" bo'yicha zamonaviy yo‘nalishlar va turli kasblar o‘rgatiladi.

Markazda texnika, IT, tikuvchilik, pazandachilik, dizayn, robototexnika kabi ko‘plab yo‘nalishlarda amaliy mashg‘ulotlar tashkil etilib, yoshlarning qobiliyat va salohiyatini ro‘yobga chiqarish uchun barcha shart-sharoitlar yaratilgan.

Yozgi kasblar markazi yoshlarning kelajakdagi mehnat bozoriga moslashuvi va bandligini ta’minlashda muhim o‘rin tutadi.