“Ayollar tadbirkorligida motivatsiya, dadillik, talabchanlik va mas’uliyatlilikning o‘rni”

O’zLiDeP Surxandaryo viloyati Kengashi tashabbusi bilan ayollarni tadbirkorlik faoliyatiga keng jalb etish maqsadida “Bugunning tadbirkor ayoli” loyihasi doirasida seminar-trening tashkil etildi.

Tadbir Termiz davlat universiteti Tarix fakultetida bo‘lib o‘tdi. Unda tadbirkorlik sohasida katta tajribaga ega, “Shuhrat” medali sohibasi Xalq deputatlari Termiz tumani Kengashi deputati Berdiyeva Tursunoy ishtirok etdi.

Uchrashuv davomida ishtirokchilar tadbirkorlik ko‘nikmalarini rivojlantirish, yoshlarni zamonaviy ishbilarmonlik tajribalariga yo‘naltirish, hamda ayollarning ijtimoiy-iqtisodiy faolligini oshirish masalalarida o‘z fikr va takliflarini bildirdilar.