"QALQON" jamoatchilik mobil guruhi harbiy qismda

O‘zbekiston Yoshlar Ittifoqi Termiz davlat universiteti volontyor talabalaridan iborat “QALQON” jamoatchilik guruhi Termiz garnizonidagi harbiy qismlarning birida “Harbiy qismda bir kun” shiori ostida 24 soat davomida amaliy hamda nazariy o‘quv mashg‘ulotlarida ishtirok etdi.

Kun davomida Qalqon jamoatchilik mobil guruhi a’zolari harbiy qismda jismoniy, ma’naviy hamda saf tayyorgarlikdan o‘tishgan bo‘lsa dala maydonida taktik o‘quv mashg‘ulotlarida qatnashdi. Shuningdek harbiy xizmatchilar bilan bo‘lib o‘tgan sport estafeta o‘yinlarida esa munosib ishtirok etdilar.

Bundan ko‘zlangan maqsad esa talabalarni vatanparvarlik ruhida tarbiyalash, milliy an’ana va qadriyatlarimizga hurmat, yurtga muhabbat va sadoqatini mustahkamlash, yoshlarni bo‘sh vaqtlarini mazmunli tashkil etish hamda ulardagi Qurolli Kuchlarimizga bo‘lgan ijobiy fikrlarni yanada kengaytirishdan iborat.