TerDUda talaba qizlar uchun ilmiy seminar-trening tashkil etildi

Termiz davlat universitetida talaba qizlar ishtirokida “Maqola yozish bo‘yicha dastlabki ko‘nikmalarni shakllantirish va ularni to‘g‘ri jurnallarda chop ettirish” mavzusida seminar-trening bo‘lib o‘tdi.

Tadbirda TerDU Ilmiy tadqiqotlar, innovatsiyalar va ilmiy-pedagog kadrlar tayyorlash bo‘limi mutaxassisi Tilovov Mirqosim ishtirok etib, talabalarga ilmiy maqola yozish jarayonining muhim jihatlari haqida batafsil ma’lumot berdi.

Seminar davomida talaba qizlar:
ilmiy maqola tuzilishi;
ilmiy uslub talablari;
maqolalarni to‘g‘ri jurnalga yo‘naltirish tartibi kabi masalalarda amaliy ko‘nikmalarga ega bo‘ldilar.

Ushbu seminar-trening talaba qizlarning ilmiy faolligini oshirish, mustaqil fikrlash va izlanishga bo‘lgan qiziqishini kuchaytirishga xizmat qildi.

Yakunda ishtirokchilar o‘zlarini qiziqtirgan savollar bilan murojaat qilib, mutaxassis tomonidan batafsil javoblarga ega bo‘ldilar.