TerDU olimasi — “Ilm yulduzlari” respublika sahnasida!

Termiz davlat universiteti o‘qituvchisi,
iqtisodiyot fanlari bo‘yicha falsafa doktori (PhD)
Turopova Nigora kuni-kecha Toshkent shahrida Oliy ta’lim, fan va innovatsiyalar vazirligi hamda O‘zbekiston xotin-qizlar “Olima” uyushmasi hamkorligida tashkil etilgan “Ilm yulduzlari” respublika intellektual ko‘rik-tanlovining yakuniy bosqichida munosib ishtirok etdi.

Tanlov yakuniga ko‘ra, Turopova Nigora sertifikat bilan taqdirlandi.

Mazkur nufuzli tanlov mamlakatimizda ilm-fan sohasida faoliyat olib borayotgan iste’dodli va fidoyi olimalarning ilmiy salohiyatini namoyon etishga, ularning innovatsion g‘oya va tadqiqotlarini qo‘llab-quvvatlashga xizmat qiladi.