"Qadriyatlaring boqiy bo‘lsin, Navro‘z!”

Yil boshi, yangi kun Navro‘z o‘zida asriy an’ana va qadriyatlarni saqlab kelayotgan mayoq yanglig‘ xalqimizning ma’naviy xazinasi sanaladi. Uning tashrifi bilan go‘yo ajdodlarimizning qadimiy urf-odatlari, milliy an’analari, qadriyatlari jonlangandek bo‘ladi.

TerDUning o‘zbek filologiyasi va yuridik fakultetlarida ham Navro‘z bayrami zo‘r shod-u xurramlikda nishonlandi.

Tadbirda talabalar milliy taomlar va milliy hunarmandchilik namunalaridan iborat bo‘lgan ko‘rgazma tashkil etishdi. Osh chempionati orqali Yuridik fakulteti talabalarining pazandachilik qobiliyati sinovdan o‘tkazildi.

Bayramga talabalar ijrosidagi kelin salom, laparlar, kuy-qo‘shiq va raqslar, sahna ko‘rinishlari o‘zgacha shukuh baxsh etdi.