Termiz davlat universitetida Halima Xudoyberdiyeva tavalludining 78 yilligiga bag‘ishlangan ma’naviy-ma’rifiy tadbir bo‘lib o‘tdi

Termiz davlat universiteti Xotin-qizlar kengashi tashabbusi bilan O‘zbekiston xalq shoiri, milliy adabiyotimizning yirik namoyandasi Halima Xudoyberdiyevaning 78 yillik tavalludiga bag‘ishlangan ma’naviy-ma’rifiy tadbir tashkil etildi.

Tadbirda universitet professor-o‘qituvchilari, talabalar va ijodsevar yoshlar ishtirok etdilar. Ular Halima Xudoyberdiyevaning ijodiy merosi, ayniqsa, sevgi, sadoqat, mehr-oqibat va insoniy fazilatlarni ulug‘lovchi she’rlari haqida so‘z yuritib, shoiraning badiiy dunyoqarashi va milliy qadriyatlarga sadoqatini yuksak baholadilar.

Tadbir doirasida talabalar o‘rtasida shoira ijodiga bag‘ishlangan mushoira tashkil etildi. Unda ishtirokchilar Halima Xudoyberdiyevaning yurt, ona, ayol va muhabbat mavzularidagi betakror satrlarini qalbdan his etgan holda, badiiy mahorat bilan ijro etdilar.