TerDU olimlari in vitro texnologiyalar bo‘yicha stajirovkada

TerDU huzurida tashkil etilayotgan “O‘simliklarni mikroklonal ko‘paytirish” laboratoriyasi faoliyatini yo‘lga qo‘yish maqsadida universitet professor-o‘qituvchisi va tayanch doktoranti “Buxara Varnet” MChJga qarashli in vitro laboratoriyasida stajirovka o‘tamoqda.

Mazkur jarayonda Zoologiya kafedrasi dotsenti Abdulazizova Shoira hamda 1-bosqich tayanch doktoranti Ximmatov Navruz o‘simliklarni in vitro usulida yetishtirish va sifatli ko‘chatlar tayyorlash yo‘nalishida bilim va tajribalarini oshirib, mutaxassislar bilan birgalikda amaliy mashg‘ulotlarda ishtirok etmoqdalar. Ushbu tashabbus shubhasiz Termiz davlat universitetida ilm-fan va innovatsion texnologiyalarni rivojlantirish, ilmiy salohiyatni yanada mustahkamlash yo‘lidagi muhim qadam bo‘lib xizmat qiladi.