TerDU talabalari  tabiat qo‘ynidagi haqiqiy ilm maktabida!

May nafasi, tog‘ havosi va ilmga chanqoq yoshlar…
Har yiligi an’ana, Termiz davlat universiteti talabalari yana Boysunning betakror tabiati bag‘ridagi Darband o‘quv-amaliyot bazasida jam bo‘lishdi. Bugundan boshlab Termiz davlat universiteti Tabiiy fanlar fakulteti talabalari mazkur maskanda malakaviy o‘quv-dala amaliyotini boshladilar. 

Tog‘lar bag‘ridagi ushbu amaliyot bazasi bugun nafaqat TerDU, balki viloyatdagi oliy ta’lim muassasalari talabalari uchun ham haqiqiy ilmiy tajriba maydoniga hisoblanadi.Talabalar tajribali professor-o‘qituvchilar rahbarligida: umurtqali va umurtqasiz hayvonlar dunyosini, ularning morfologiyasi, anatomiyasi va fiziologiyasini, tabiiy muhitdagi biologik jarayonlarni amaliy tarzda o‘rganadilar. Eng muhimi, yosh tadqiqotchilar o‘zlarida: ilmiy kuzatuv olib borish, namuna yig‘ish va tahlil qilish, mustaqil tadqiqot yuritish ko‘nikmalarini shakllantirmoqda.

Darbanddagi bu amaliyot — oddiy dars emas. Bu tabiat bilan yuzma-yuz uchrashuv, ilm bilan amaliyot uyg‘unlashgan haqiqiy tajriba maktabidir.