Bugun Termiz davlat universitetining barcha talabalar turar joylarida chinakam bayramona kayfiyat hukm surdi

Mohir oshpazlar tomonidan 6 ta ulkan doshqozonda tayyorlangan mazali osh kampusdagi TTJlarda istiqomat qilayotgan 3 000 nafarga yaqin talabalarimizga tarqatildi.

Bu kabi ezgu tashabbuslar TerDUda an’anaviy tus olgani quvonarlidir. Zero, bunday tadbirlar jamoada birdamlikni mustahkamlaydi, universitetni barcha bir oiladek jips yashaydigan maskan sifatida namoyon etadi.

Universitet rektori prorektorlar hamda fakultet dekanlari iqtidorli talabalar bir dasturxon atrofida osh yeyishgandan so‘ng, TTJlardagi talabalar bilan muloqotga kirishishdi. A.Toshqulov talaba-qizlarning sharoitlari bilan tanishish asnosida ularning takliflariga quloq tutdi.

Tarbiyachi va navbatchi tyutorlar bilan bo‘lgan muloqotlarda qizlarimizni oilaga tayyorlash, qadriyatlarimizga nisbatan hurmat ruhini singdirish bo‘yicha ko‘rsatmalar berildi. Havaskor talabalar tomonidan tashkil etilgan konsert dasturi, badiiy chiqishlar, o‘yin kulgilarga ulanib ketdi. Talabalik daftariga yana bir oltin davrining bitiklari yozildi.