Milliy qadriyat — millat iftixori

TerDUning tarix fakulteti va yuridik fakulteti talabalari ishtirokida “Osh festivali” tashkil etildi. Tadbirning asosiy maqsadi — milliy qadriyatlarimizni asrab-avaylash, an’anaviy taomlarimizni keng targ‘ib etish, shuningdek, talabalarda jamoaviylik va do‘stlik tuyg‘ularini mustahkamlashdan iborat bo‘ldi.

Tadbirga Muqimiy nomidagi O‘zbekiston davlat akademik musiqali teatri ijodiy jamoasi tashrif buyurib, talabalar tomonidan tayyorlangan milliy taomimiz — palovga baho berishdi, ular bilan samimiy suhbatlashishdi hamda o‘z ijro va chiqishlari orqali bayramona kayfiyat ulashishdi.

Ushbu festival yoshlarimizning faolligini oshirish, do‘stlik rishtalarini mustahkamlash va milliy an’analarimizni yanada keng targ‘ib etishga xizmat qiladi.

TerDU — qadriyatlarni e’zozlaydigan maskan!